MÉTODO

No seu obradoiro de escultura e pintura de Florencia, Leonardo Da Vinci tiña escritas estas dúas palabras: ostinato rigore. Leonardo non se consideraba a si mesmo máis hábil nin máis listo ca os demais, só máis teimudo. Ostinato rigore significa que, para conseguir un bo resultado, precísase constancia, traballo, dedicación e vontade.

Cremos na práctica constante como base para a mellora. Mediante un temario flexible, imos orientando a aprendizaxe, con pequenos retos para que o alumnado sempre saiba como avanzar. Pero sobre todo cremos que non se pode aprender cando non se desfruta: queremos que nas nosas clases todo o mundo aprenda divertíndose.

Xa que estamos! Como tamén pensamos que non se pode ensinar algo que non che apaixona, aquí non hai profes con prexuízos contra o manga, os superheroes, os videoxogos ou o que sexa… Somos moi frikis!